barràca , nf, nm: barracu, berracu Definition genia de aprigu in campu fatu a muros de pedra fintzes a unu metro o pagu prus e ammontau a sida, a linna, o àteru deasi, carragiau a ischina a betare abba a duas bandhas o fintzes a base tundha carragiau a pupulloni (punta cónica); genia de aprigu o lolla carragiau a tendhone, in is festas, fatu po bèndhere cosa / fai barracas mesurendi cosa = lassare boidedhos, medire a ingannu Synonyms e antonyms pennetu / parada 1 / bóidu Sentences su pastore tenet sa barraca cuguzada a perrones d'élighe ◊ candho ispireit intro de su barracu bi fit solu su cane a lu mirare (A.Casula)◊ crupa chi andhadu male est su puntedhu oe ndh’est orruta sa barraca… 2. ocannu pro sa festa bi at pagas barracas Surnames and Proverbs smb: Baraccu, Barraca, Barracca, Barracheddu, Barraco, Barraccu, Barragheddu, Barragueddu, Barraqueddu Etymon ctl., spn. Translations French baraque, cabane English hut Spanish barraca Italian baracca, capanna German Baracke, Schuppen, Bude.

pennétu , nm, nf: pinneta, pinneti, pinnetu Definition genia de aprigu de sartu fatu in muros a pedra fintzes a calecunu metro, o fintzes a frucàgios de terra etotu fintzes a punta, giai sèmpere de forma cónica, in artu, ammontau a sida, restugu, buda (ispàdula), tzinnia, perrones: a bortas su pinnetu est fatu totugantu de pedra, s'ammontu puru (a pedras ladas) e si narat pinnetu si est tundhu (ammontau a pupulloni, cónicu) ma pinneta si est longa (base a forma retangulare) o a dónnia modu ammontada a duas abbas (a ischina, e deosi ammontada solu a sida o a perrones, e a logos est una domo fintzes manna ue si faet cuile); si narat fintzes solu de unu muru chi faet de alabinna Synonyms e antonyms barraca, cubone 1, pinnatu 1 Idioms csn: s'intrada de su p.: buca; pinneta de linna (a logos) = linnarzu; essíreche in costas de pinnetu (faedhendhe, cussiderendhe, faghindhe) = bessí in coranta mois, isazerare Sentences in s'ortu e in binza babbu bi at fatu su pinnetu, nessi pro si frànghere si benit unu corpu de abba ◊ sa pinneta est manna e inie corcant, faghent su casu, l'ammurzant e l'abbentant ◊ su pastore est in su pennetu moricandhe su late (G.Farris)◊ si at isterrimentatu una pedhe in su pennetu pro corcare Surnames and Proverbs smb: Pinnetta Etymon ltn. pinna Translations French cabane, hutte English hut Spanish choza, cabaña Italian capanna German Hütte.

«« Search again