bacadíba , nf, agt: bagadia, vagadia Definition chi, o chie, fémina, no si est ancora cojuada / b. manna = fémina manna chentza cojada; bagaria indúllia = betza, ingobbedhada Synonyms e antonyms bachiana, vacanza | ctr. cojada Sentences mi nat s'idea ca is bagadias ti at a tocai de dhas lassai assébiu… is bagadias e is cojadas! ◊ mi as a connòschere a is pannos si seo isposa o bagadia ◊ sa dí de sa festa is féminas cojadas e is bagadias mannas incingiànt gunnedhas e giponis 2. is piciocas bagadias si atopant in domu de is cumpàngias ◊ ite ses isetandhe, a imbetzare e mòrrere bagadia? Etymon ltn. vacantiva Translations French célibataire, vieille fille English spinster Spanish soltera, solterona Italian nùbile, zitèlla German Ledige, Jungfer.

bacadíbu , agt, nm: bacatiu, bagadiu, bagariu, vacadivu Definition chi est líbberu de impícios de trebballu, chi no si trebballat; si narat de su bestiàmene chi no at angiau, de persona chi no si est cojuada; die nódida, de festa Synonyms e antonyms laghinza / bachianu, irgaitzu, solteri | ctr. madricau / cojadu / faturivu Sentences pòrtalu sempre a s'imbesse si cheres chi duret meda, si no est die bagadia (P.Pisurzi)◊ si ponias mente a mie lu tias portare in sas dies bagadias, cussu pinzos ◊ chie l'isposat si dúbbiu apena bi at chi siat de ratza bagantia? (S.Casu) 2. su serbidori càstiat su bagadiu, su meri portat is brebeis angiadas ◊ su pastoredhu est pascendi su bagadiu ◊ su cuíndixi in bidha est sa festa de is bagadios 3. is fillas dhas tenit totu bagadias ◊ issu est arricu, ma est abarrau bagadiu 4. in sos bagadios, cun sos cumpagnos de iscola andhaio a linna ◊ sos bagadios, custos zòvanos andhant a cantare Etymon ltn. vacantivus Translations French stérile, célibataire, fête English barren, single, festivity Spanish estéril, soltero, fiesta Italian stèrile, cèlibe, festività German unfruchtbar, steril, Ledige, Feiertag.

bachiàna , nf: baghiana, bagiana, bajana, batzana, vagghiana Definition sa fémina chi ancora no s' est cojuada / zúghere a unu che bajana bella = chi totus dhu bollint, dh'abantant, dhu istimant Synonyms e antonyms bacadiba, vacanza Sentences una bachiana est unu frore e petzi chie la cheret a isposa la podet acurtziare ◊ sas bajanas de bidha mia meritant totu sos bantos ◊ e cantas bajanedhas disizadu no ant d'èssere che tue! ◊ indunu indunu Nianna si che acatat batzana bedusta ◊ bagianas mias, leàdendhe paura de mastru Gaetanu!◊ Pepe faghet sa serenada a sas bagianas Surnames and Proverbs smb: (Aiana, Asciana, Axana) Translations French célibataire, fille ou demoiselle English unmarried woman Spanish soltera Italian nùbile, signorina German Ledige, Fräulein.

bachiànu , agt, nm: baghianu, bagianu, bajanu, baxanu, vacàniu Definition nau de s'ómine, chi o chie no est cojuau / a baghianu = candu unu est o fiat sentza cojai Synonyms e antonyms bacadibu, bacanzu, irgaitzu, solteri | ctr. cojadu Sentences tziu Pàulu fit su frade bachianu de ajaju ◊ sa fiza bajana, candho l'intendhiat chensèndhesi, chircaiat de l'animare 2. baxanas e baxanos passant a manu tenta ◊ Méliu puru si fit cojubau chin d-una bachiana nugoresa Translations French célibataire English bachelor Spanish soltero Italian cèlibe, scàpolo German Ledige.

éneu , agt: éniu 1 Definition chi no est cojuau, chi no tenet fígios / benes de é. = chi abbarrant a nemos Synonyms e antonyms iltóigu, renicozu / bachianu Sentences so éniu de fizos ◊ fit fitzu únicu, éniu, solu chei sa preta secata ◊ tenet unu cantedhu de binza chi at connotu dae unu tiu mortu éniu Translations French stérile, célibataire English unfertile, single Spanish estéril, soltero Italian stèrile, nùbile, cèlibe German steril, ledig.

iltóigu , agt, nm: istódiu, istóicu, istóigu, istúdigu, istúigu, istúnigu, stúdigu Definition nau de un’animale o fintzes de fémina, chi no podet fàere fedu, chi no impróssimat, e fintzes sa parte de su bestiàmene chi no est giaendho frutu; nau de fémina e de ómine, chi funt chentza cojuaos o fintzes, nau solu de fémina, chi no est príngia; nau de gente bastat chi siat, chi no tenet impreu, no tenet cosas de fàere Synonyms e antonyms éstigu, istóbbilu / ambularzu, bagadiu, lachinza / illibertu, irgaitzu, líchidu 1 | ctr. impitzadu / cojadu Sentences sa muzere est una fémina istóiga, tres annos cojuada e fizos nudha 2. menzus istóigu, pro èssere male cojadu 3. como chi so istóigu za ti la poto dare una manu de azudu ◊ sos boes zughent su carru istóigu ◊ sa muzere fit ràida ma istaiat faghindhe che candho fit istóiga Etymon srd. Translations French libre, célibataire English free, bachelor Spanish estéril, soltero, libre Italian vacante, lìbero, scàpolo, cèlibe German frei, unbesetzt, ledig.

soltéri , agt, nm: sorteri, soteri, sulteri Definition chi o chie si campat a sa sola, istat meda a solu, chentza cojuau, bagadiu mannu; est fintzes unu chi est benniu a istare de un'àtera bidha, chi istat a sa sola Synonyms e antonyms bacadibu, bachianu, irgaitzu, singru / aproillau Sentences si est befadu de cozuados e sorteris ◊ tue ca ses sorteri das contos petzi a tibe! ◊ gridaiant sas giòvanas solteras: Chie a nois det dare disaogu? ◊ cussu si bollit sorteri ◊ su sorteri istat mellus de su predi, chi no si podit cojai ◊ apo causadu chi una sortera no lesit istadu ◊ cussa at fatu votu de aturai sortera Etymon ctl., spn. solter Translations French célibataire English unmmarried, bachelor Spanish soltero Italian scàpolo German ledig.

«« Search again