alluxentósu , agt Definition chi lughet, chi giaet o mandhat lughe Synonyms e antonyms brilladinu, grigliadore, grillante, luchente, prellugente Etymon srd. Translations French brillant English shining Spanish brillante Italian brillante German glänzend.

brillànte, brillànti , agt, nm: brillianti Definition chi lughet; genia de prendha chi s'incàsciat in anedhos e àteras prendhas etotu Synonyms e antonyms alluxentosu, brilladinu, grigliadore, grillante, luchente, prellugente 2. s’onestu est che unu brillanti: su ludu dh’imbrutat e mai dh’ammànciat! (Urru) Translations French brillant English brilliant Spanish brillante Italian brillante German glänzend, Brillant.

grigliadòre , agt Definition chi lughet Synonyms e antonyms alluxentosu, brilladinu, brigliadore*, grillante, luchente, prellugente Sentences gighet sos ògios grigliadores Translations French brillant English shining Spanish brillante Italian brillante, lucènte German glänzend, leuchtend.

luchènte , agt: lugente, lugenti, lughente, luxente, luxenti Definition chi lughet, chi giaet o mandhat lughe, chi si paret bene meda, chi si biet / lughente che isprigu = meda, luxenti che is prellas Synonyms e antonyms alluxentosu, brilladinu, brigliadore, illampizosu, lúchidu, lughianu, lutzighente, prellugente Sentences màscios e boes de intinnu lughente as a bídere a mizas ◊ a su calore de su focu at cumintzau a issire unu cordu luchente dae su mutzu de s'àrbore ◊ benne bella dha bieus lugente che s'aurora ◊ no bi at istella prus lughente de cussa Translations French brillant English shining Spanish reluciente, brillante Italian lucènte, brillante German strahlend, glänzend.

lúchidu , agt: lúdigu, lúghidu, lúxidu Definition chi lughet, chi est craru, límpiu; nau de animale, chi est bellu grassu, e de pastura chi dhue at erba meda Synonyms e antonyms lamposu, luchente, lútzidu / ciaru | ctr. tróbulu Idioms csn: binu l. = chentza fundhana nudha, bene pasadu; ua (crua) lúghida = sana, chi no est anneulada Sentences bellu lúghidu, mih, cust'ozuermanu! ◊ cudhas lughes a bortas grogas sunt lúdigas che oro ◊ addescàndhela, aviat fatu sa crapita a manna e lúchida che ispíciu ◊ candu Zuanni chistionat, is ogus de Arega si faint lúchidus che isprigu de su presu ◊ is erricos furint lúghidos e grassos ◊ est a ogus birdis e pilus longus e lúchidus lúchidus 2. su logu est finamentas lughidedhu e sa robba bi istat bene Etymon ltn. lucidus Translations French luisant, brillant English shiny Spanish luciente, lucido (anim) Italian lùcido German blank, glänzend, klar.

lugerósu , agt: lugherosu Definition chi dhue at lughe, chi est bene illuminau o faet lughe; nau de ccn., chi est numenau, famosu Synonyms e antonyms giariosu, lucorosu, lugosu, lumenosu | ctr. iscuricosu Sentences custu est un'aposentu lugherosu ◊ est che istella chi essit lugherosa in beranu 2. cussa est citade de númene lugerosu Etymon srd. Translations French lumineux, brillant, éclatant, resplendissant English luminous Spanish luminoso, fúlgido Italian luminóso, fùlgido German leuchtend, strahlend, glänzend, hell.

lughentèsa , nf: luxentesa Definition su èssere lughentes de is cosas Synonyms e antonyms luchidore, lucidesa, lughentore, lughentura, lutzidesa Translations French brillant English brilliance Spanish brillo Italian lucentézza, brillantézza German Glanz.

lughentòre , nm: luxentori Definition su lúghere, su èssere lughente, lúghidu Synonyms e antonyms luchidore, lucore, lutzidore Sentences benit s'iscuru e finit totu su lughentore ◊ apu apubau unu flori: prelliat chei s'ispera e cussu luxentori mi nc'intrat in su coru ◊ su luxentori de s'òru Translations French brillant, luisant English sheen Spanish brillo Italian lucentézza German Glanz.

«« Search again