cosarèdha , nf Definition min. de cosa, cosa de pagu contu Synonyms e antonyms cosichedha, fiolera, innennériu Sentences at chircadu de assentare s'istàntzia remonzendhe tantas cosaredhas Translations French bagatelle English trifle Spanish bagatela Italian bazzécola, cosùccia German Kleinigkeit.

cultzería , nf Definition su èssere curtzu, ma nau in su sensu de unu fàere chi giaet tropu pesu a cosighedhas de pagu contu Sentences custas sunt cultzerias, a mazare cudha criadura pro duas figos! Translations French bagatelle English pettiness Spanish dar importancia a algo que no la tiene Italian piccinerìa German Kleinigkeit.

fiolèra , nf: friolera, violera Definition cosighedha de pagu contu, de perunu importu, idea istrambeca, fatura pagu giusta / in sas fioleras = in gioventude (candho sa conca est pigada de sa divertera) Synonyms e antonyms biolera, bugeria, fiolesa, frascheria, gnagneria, minudàntzia / cdh. fiulera Sentences ti fato passare sas frioleras! 2. a betzos puru podimus cantare carchi cosa che candho fimus in sas fioleras 3. che aiat coladu tempus meda chena peruna fiolera e chena bi àere unu mortu istenegadu Etymon ctl., spn. friolera Translations French bagatelle, futilité English trifle Spanish frivolidad, bagatela Italian frivolézza, bagattèlla German Geringfügigkeit, Nichtigkeit, Bagatelle, Kleinigkeit, Lappalie.

ghighína , nf Definition coa o fundhurúgiu de argiola, s’úrtimu laore chi si ndhe arregollet, brutu meda; cosighedha de pagu contu Synonyms e antonyms alzenina, genina, ghinina, musina, purgadura Sentences eo mi conto su granu maduru, a bois bos lasso sa ghighina! ◊ dae totu sos terrinos chi tenet b'intrat una ghighina a dommo sua ◊ a una pudhichina no li mancat ghighina ◊ in manos suas s'ànima de su cristianu est minore minore, si fachet cant'e unu granu de ghighina Translations French émondage, bagatelle English weeds, trifle Spanish granza, quisquilla Italian mondatura, quisquìlia German Schale, Abfälle (Pl.), Klenigkeit, Quisquilien (Pl.).

gnagnería, gnegnería , nf: ignagnaria, nennaria* Definition cositedha de perunu contu, de nudha Synonyms e antonyms chedhéculu, cridhichiu, fiolera, innennériu, minudàntzia, pachitate, repisu / ttrs. gnugnaria Sentences già mi faghet a ríere pro cosas de gnagneria! ◊ arrogantat totu sena frenu e puntígliat pro dogni gnagneria ◊ s'ispilint e si pistant, pro dogni gnegneria un'arrennegu! Translations French bagatelle English trifle Spanish fruslería Italian inèzia, quisquìlia German Kleinigkeit.

ignagnaría, ignignoría , nf: gnagneria, innannaria, innenneria, inninneria Definition cosighedha de pagu contu, de perunu importu: in cobertantza, fintzes cosa meda, manna Synonyms e antonyms fiolera, bugeria, innennériu, mennisia, minudàntzia, nennaria*, pachitate, pititaria, repisu, tichitera Sentences ma, si no poto fàghere poesia ne pintura pro te sa piús digna, atzeta custa umile ignagnaria (B.Truddaju)◊ tantu traballu, tantu capitale como nos rendhet una innenneria ◊ as fatu totu su viàgiu chin cust'ignignoria de pesu… da no ti l'as fata sa felta in s'ischina! 2. cugutu e fressadas fint coladas e a sucutu pro cussa ignignoria de abba… Translations French bagatelle English trifle Spanish fruslería Italian bagattèlla, inèzia German Kleinigkeit.

imbaràtzu , nm: imbarratzu, irbarratzu, immaratzu Definition trastu béciu, cosa chi si tenet a istrobbu, pigandho logu, cosa de fuliare: si narat fintzes de cosas de papare pagu de giudu, cosa chi passat sa gana chentza giare sustàntzia Synonyms e antonyms baldulete, bascaràmene, carramacina, istivuzu Sentences at passadu parte de sa vida in mesu de sos imbaratzos ◊ ses solu rafiendhe in sa terra, istratzendhe imbarratzu ◊ no ti dao immaratzu cun is mutetos mios ◊ lu reduint che bículu de istratzu de che frundhire in mesu de s'imbarratzu 2. lea unu mossu de pane e casu, chi cussos imbarratzos no ti faghent nudha! Etymon itl. imbarazzo Translations French bagatelle English bulk Spanish trasto Italian qlsc. di ingombrante German Sperrgut.

mennisía , nf: minnisia Definition css. erba de bogare a fora in is laores semenaos; fintzes cosighedha de pagu contu, de perunu importu Synonyms e antonyms ignagnaria 2. pro bos bocare minnisia bos bortaes a sas provistas Etymon itl. amnesia Translations French zizanie, bagatelle English bagatelle, darnel Spanish cizaña, bagatela Italian zizzània, bagattèlla German Unkraut, Taumellolch, Bagatelle, Kleinigkeit, Lappalie, Quisquilien (Pl.).

minudàntzia , nf: minutàntzia, minutàssia, minuzànsia, minuzàntzia Definition cosighedha minuda, pitica, trastighedhos (fintzes a bèndhere), chistiones de pagu contu, de pagu importu Synonyms e antonyms fiolera, gnagneria, minudàglia, minudàmine, minudéntzia, minutzúmine Sentences in custa minutàntzia non bi at nudha de briare! Etymon srd. Translations French pacotille, bagatelle, futilité English bits and pieces, detail Spanish menudencia, nimiedad Italian minutàglia, quisquília German Kram, Krimskrams, Kleinigkeit, Quisquilien (Pl.).

violèra , nf: fiolera* Definition cosighedha de pagu contu, de perunu importu, idea istrambeca, fatura o fata pagu giusta, disonesta (mescamente in chistiones de onore) Synonyms e antonyms biolera, bugeria, fiolu, frascheria, pecadu Sentences béndhidu ti as su campu fioridu pro ti leare vanas violeras (M.Murenu)◊ ti faghes padronu in prepoténtzia e faghes, tzegu, milli violeras (P.Casu)◊ cussos sunt malàidos malos a sanare chi si betant a milli violeras! ◊ cussu pitzocu est prenu de violeras in conca: immoi anca est totu imbideau de si comporai una motozicreta! Translations French bagatelle, futilité English trinket Spanish friolera Italian bazzécola, frivolézza German Lappalie, Nichtigkeit.

«« Search again