mandhigadòlza , nf, nm: mandhigadorza, mandhigadorzu, mandiadroxa, mannicatòglia Definition istrégiu o logu inue si ponet sa brovendha a is animales a papare; in cobertantza, logu de cumandhu, manígiu de podere aprofitandho po ndhe tènnere torracontu personale Synonyms e antonyms aproendhatógliu, manicadòrgia, papadòrgia, stadha / ttrs. magnadògia 2. cussos entes sunt una mandhigadorza pro donzi molente! Etymon srd. Translations French crèche (per buoi, cavalli), mangeoire (per animali domestici), assiette au beurre (fonte di guadagni) English manger Spanish comedero Italian mangiatóia, gréppia German Futterkrippe.

piatígliu , nm, nf: platígliu, pratígliu, pratilla, pratílliu, pratillu Definition genia de pratu pitichedhedhu chi si ponet asuta de sa cíchera de su cafei o de àtera díscua pitica (in cussu de sa missa si ponet s'óstia manna innanti e apustis de sa cunsacratzione)/ èssiri a cíchera e p. = (nau de ccn.) totu bene cuncordau, bene bestiu Synonyms e antonyms piatarinu, prataredhu, pratarígliu, pratericu, prataritu Sentences papendi portat unu pratigliedhu cun cuatru olias iscabeciaras ◊ si no est a cíchera e pratígliu no bessit de domu! ◊ su pratígliu de sa missa est de metallu pretziau Scientific Terminology stz Etymon spn. Translations French petite assiette, patène English saucer Spanish platillo Italian piattino, patèna German Untertasse.

piàtu , nm: platu, pratu Definition genia de istrégiu tundhu, larghitu, a costaos pagu pagu artos, po pònnere a papare in mesa: si narat fintzes de su tanti de papare o de cosa chi si dhue ponet; css. àtera cosa fata a bisura de pratu; fintzes css. cosa de bonu o, a su contràriu, de dannu mannu / genias de pratu: praneri o ladu, ciatu, e cupudu o devucu, de terra, de ferru irmartadu, de portada; min. prateredhu Synonyms e antonyms discu Idioms csn: piatu de balca = pratu mannu de portada; pratu de cassa = zenia de piatu mannu, de ràmine, cun àteru piatu de sa matessi mannària a covecu, pro còghere cosa a cassola; pratu torrau = cosa càmbia (axudu càmbiu, piaghere pro piaghere, o dannu pro dannu); cundhire su piatu a unu = fàghereli dannu mannu; pratus o covecos de mola = su coro e sa tónica; su pratu de agoa = in isposonzu, zenia de brulla chi si faghet a su cojadu nou Sentences s'imbiada si torrat càmbia, ca in Sardigna unu piatu andhat e unu torrat ◊ chie isetat su piatu anzenu - narat su díciu - lu màndhigat fritu!◊ de cussa cosa si ndhe mànigat duos piatos ◊ daebbilu unu piatu de cosa, malevadadu! ◊ no papes a pratu in coa! 3. ita malu proi, ita légiu pratu! Surnames and Proverbs prb: si cheres chi s'amore si muntenzat cheret chi unu piatu andhet e unu benzat ◊ iscuru a chie ispetat piatu de domo anzena! Scientific Terminology stz Etymon spn. Translations French assiette English plate Spanish plato Italian piatto German Teller.

pratarígliu , nm: pratirílliu Definition pratu piticu Synonyms e antonyms piatígliu, prataredhu, pratiritu Translations French petite assiette English saucer Spanish platillo Italian piattèllo German Tellerchen.

«« Search again