làma , nf, nm: allàmia, làmia 1, lamma, làmmia, lamu, liama Definition pígiu fine de metallu; istrégiu fatu de materiale deasi (mescamente mannu po late, fintzes po múrghere); istrégiu largu, ladu, a costaos bàscios po còere cosa in su forru; segundhu sa ferramenta, sa parte cun s'atza Synonyms e antonyms allàinu, gliàuna, lamiera / allama, bote, bidone, lamedha, lammione, trutera / frama 1 Sentences bai e betindi cussa tassa de liama! ◊ unu bote de làmia li fachiat de fumajolu 2. mulghiat e garrigaiat su cadhu cun sas lamas de su late ◊ sos pastores beniant a casifítziu cun sas lamas de su late ◊ fuint che canes chi lis ant presu lamas a sa coa ◊ sa zente est lotendhe cun lamos de abba ca su fogu est brujendhe totu 3. amus fatu deghe lamas de biscotos Etymon itl. lama Translations French fer-blanc, bidon English tin, thin plate Spanish lámina, hoja, hojalata, fuente Italian latta, làmina, téglia German Blech, Folie, Backform.

làma 1 , nf Definition prus che àteru, sa canna de s'orruo, ma fintzes s'orruo etotu Synonyms e antonyms amura, arrú, murarrú / tentalza Scientific Terminology mt, Rubus fruticosus.

làma 2 , nf: gliama*, liama 1 Definition fogu tenendho, fràmula Synonyms e antonyms fiaca 1, fiamma, fiara, pampa Sentences su fridu istudat sa liama e torra isperevundat in s'iscuriu (M.Masala)◊ custa làntia no fait liama.

làma 3 , nf Definition pische lama, faet mannu fintzes de metro Synonyms e antonyms serviola Scientific Terminology psc, lichia glauca.

«« Search again