Ditzionàriu in línia
de sa limba e de sa cultura sarda

iscabixàre , vrb: iscrabigare, iscrapicare, iscrebigare, screbigai Definition coment'e múrghere, bogare late, iscúdere atesu su late istrecandho o istringhendho a forte is tzimingiones (o fintzes sa tita); nau in cobertantza, atripare, acropare, pistare, iscúdere calecuna cosa a ccn. Synonyms e antonyms ispitigare, múgghere / foliare / isciúdere Sentences cherent a súere àtera mamidha, ma deo solu sa tita iscabixo de sa terra chi apetigo e ruxo, ca a prepoténtzia istranza no mi muxo (A.Porcheddu)◊ fint galu iscrapicandhe unu ticu de late dae cussas bator tzicas ◊ ista atentu, murghendhe, a no iscrapicare su late a foras de sa murghijola! 2. ite mi tantat chi t'iscràbigo a fuste! ◊ duas pisedhutzas che ant iscrabigadu una córvula de arga a su muntonarzu ◊ iscrebigadu l'agatent! ◊ si no ti ndhe andhas t'iscràbigo su bàculu a costas!◊ orróscia, ia pigau un’achicaju e si dh'apo iscrabigau a conca Etymon srd.